ကမ္ဘာ့ဈေးကွက်တွင် ရော်ဘာဈေးကျနေခြင်းကြောင့် ပြည်တွင်းလုပ်ငန်းရှင်များ စိုးရိမ်လာ

Page View : 1,334
News Type : Business

ပြည်သိမ်း

ရန်ကုန်၊ ဇန်န၀ါရီ-၆

အတွဲ (၁၂)၊ အမှတ်(၄၄)

တရုတ်နိုင်ငံမှ ၀ယ်လိုအားများစွာ လျှော့ချသဖြင့် ကမ္ဘာ့ဈေးကွက်တွင် ရော်ဘာဈေးကျဆင်းလာပြီး ပြည်တွင်းခြံရှင်များအတွက် စိုးရိမ်စရာဖြစ်လာကြောင်း မြန်မာနိုင်ငံ ရော်ဘာစိုက်ပျိုးထုတ်လုပ်သူများအသင်းမှ သတင်းရရှိသည်။

“စိုက်ချိန်မှာ အထွက်ကောင်းမျိုးတွေ စိုက်ထားရင်တော့ ဈေးကျလည်း ခုသာခံသာရှိတယ်။ အခုပြည်တွင်းမှာ အများဆုံးစိုက်နေကြတာက အထွက်ကောင်းမျိုးတွေ မဟုတ်သေးဘူး”ဟု အသင်းအထွေထွေအတွင်းရေးမှူး ဦးခိုင်မြင့်ကပြောကြားသည်။

ကမ္ဘာ့ဈေးကွက်တွင် လက်ရှိအချိန် ရော်ဘာဈေးမှာ တစ်တန်လျှင် ကန်ဒေါ်လာငါးရာနီးပါး ကျဆင်းလာခဲ့သည်။ ပြည်တွင်း၌ ရော်ဘာအစေးစတင်ခြစ်ချိန်က တစ်တန်လျှင်   ကန်ဒေါ်လာသုံးထောင်ရှိခဲ့သော်လည်း ယနေ့တွင် ကန်ဒေါ်လာ ၂၅၀၀ အောက် ကျဆင်းလာသည်။

ကမ္ဘာ့ဈေးကွက်တွင် ဈေးနှုန်းကျဆင်းမှုမှာ သိုလှောင်ထားသည့် ရော်ဘာများပြီး ကမ္ဘာ့စီးပွားရေးအခြေအနေကြောင့် ကုန်ချောထုတ်လုပ်မှုလျော့နည်းလာခြင်းကြောင့်ဟု ပြည်ပသို့ ရော်ဘာတင်ပို့နေသော လုပ်ငန်းရှင်တစ်ဦးကဆိုသည်။

ကမ္ဘာ့ရော်ဘာဈေးတစ်တန်လျှင် ကန်ဒေါ်လာသုံးထောင်ဝန်းကျင်ရှိနေချိန်တွင် ပြည်တွင်းဈေးကွက်၌ တစ်ပေါင်လျှင် RSS3 အမျိုးအစား တစ်ထောင်ကျပ်မှ ယနေ့တွင် ၈၅၀ ကျပ်ထိ ဈေးကျဆင်းလာသည်။


Post on : 03/02/2557 10:35