ဘားကမ့်ပခုက္ကူ လာမည့်နိုဝင်ဘာတွင် ကျင်းပမည်

Page View : 1,219
News Type : Event

 

ဆွေမွန်

ရန်ကုန်၊ အောက်တိုဘာ-၁၉

အတွဲ (၁၂)၊ အမှတ်(၃၃)

ပထမဆုံးအကြိမ် ကျင်းပပြုလုပ်မည့် ဘားကမ့်ပခုက္ကူကို နိုဝင်ဘာ ၂ ရက်နှင့် ၃ ရက်များတွင် ကျင်းပမည်ဖြစ်ကြောင်း သတင်းရရှိသည်။

ဘားကမ့်အသိပညာ၊ အတတ်ပညာ နှီးနှောဖလှယ်ပွဲ ကျင်းပပြုလုပ်မည့် ရှစ်မြို့မြောက်အဖြစ် ဘားကမ့်ပခုက္ကူကို ကျင်းပဖြစ်ကြောင်း ပွဲဖြစ်မြောက်ရေးကော်မတီမှ ဦးဇင်မင်းထွဏ်းကပြောသည်။

ဘားကမ့်ပခုက္ကူတွင် စီးပွားရေး၊ လူမှုရေး၊ ပညာရေး၊ သဘာဝပတ်ဝန်းကျင်ထိန်းသိမ်းရေးနှင့် နည်းပညာပိုင်းဆိုင်ရာများကို နှီးနှောဖလှယ်ကြမည်ဖြစ်ပြီး ပညာရှင် ၃၀ ခန့် ဖိတ်ကြားထားရာ အသိပညာများဖလှယ်နိုင်ရန် စီစဉ်ထားကြောင်း ပွဲဖြစ်မြောက်ရေးကော်မတီမှသိရသည်။

ဘားကမ့်ပခုက္ကူကို အ.ထ. က(၁) ပခုက္ကူတွင် နံနက် ၉ နာရီမှ ညနေ ၅ နာရီအထိ ကျင်းပပြုလုပ်မည်ဖြစ်သည်။

ဘားကမ့်ပခုက္ကူသို့ တက်ရောက်မည့်သူများသည် http:/ barcamppakokku.com/ တွင် စာရင်းပေးသွင်းနိုင်ပြီဖြစ်သည်။ ဘားကမ့်ဆိုသည်မှာ သမားရိုးကျ ပြုလုပ်နေကျ နည်းပညာဟောပြောပွဲပုံစံမှ ခွဲထွက်ပြီး လူအများစုကျင်းပသော လွတ်လပ်သည့် အသိပညာမျှဝေနိုင်သော နည်းပညာဖလှယ်ပွဲတစ်ခုဖြစ်သည်။

 

http://www.7daynewsjournal.com/article/12402

 


Post on : 13/11/2556 09:35